ՀՀ դեսպանության մասնակցությունը Վիետնամի ԱԳՆ-ի կողմից կազմակերպված ազգային խոհանոցների և հուշանվերների ամենամյա բարեգործական տոնավաճառին:

10 դեկտեմբերի, 2023

Ս.թ դեկտեմբերի 10-ին Հանոյում կայացավ Վիետնամի արտաքին գործերի նախարարության կողմից կազմակերպված՝ ազգային խոհանոցների և հուշանվերների ամենամյա տոնավաճառը, որին ի թիվս Վիետնամում հավատարմագրված այլ դիվանագիտական ներկայացուցչությունների մասնակցում էր նաև Հայաստանի Հանրապետության դեսպանությունը՝ հայկական ապրանքների տաղավարով։

Հայաստանի տաղավարում ներկայացված էին հայկական խոհանոցը, խմիչքները, գրականությունը, մշակույթը և հուշանվերները։

Տոնավաճառից գոյացած հասույթը, ՎՍՀ ԱԳՆ-ն տրամադրում է զանազան բարեգործական ծրագրերի ու կազմակերպությունների։

Բարեգործական տոնավաճառին ակտիվ մասնակցության Վիետնամում Հայաստանի դեսպանությունն արժանացավ ՎՍՀ ԱԳՆ շնորհակալական պատվոգրի։

Տոնավաճառի ազգային խոհանոցների մասով, հայկական տոլման չորրորդ տարին անընդմեջ ընդգրկվեց տարեկան հրատարակվող ազգային ճաշատեսակների խոհարարական գրքում։

Վիետնամում Հայաստանի դեսպանությունն իր երախտագիտությունն է հայտնում Վարդան Մուրադյանին և Tammy Group ընկերությանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր